【QinPro專欄:點解樂譜Folder要係黑色?】

好記得細個番學校樂團用嘅樂譜Folder係藍色,好似話係要襯番學校嘅主題顏色;大個咗番樂團或者自己表演,見到周邊嘅人全部都係用黑色Folder,就好自然跟住用,從來都無問過點解。

咁究竟點解呢?

黑色=譜架顏色

呢個解釋係最簡單、最直接,通常小朋友聽到,都會「哦!」一聲,好似覺得琴譜同譜架融埋一體係一件好make sense嘅事,所以小學老師最鍾意話「黑色譜架梗係用黑色folder啦!」

黑色=專業

由參加音樂表演,老師同指揮都規定要全黑上陣開始,黑色就好似係音樂界上代表着專業,不過黑色呢個standard colour喺點黎?

相傳係十五至十六世紀,樂團演奏係一樣非常高尚嘅活動,樂手只會係貴族人仕嘅住所裏面表演,歡眾亦只會係上等人家,所以當時嘅樂手一定要以formal dressing出席;去到十九世紀,呢個formal dressing演變成今日眾所週知嘅white tie

White tie:男仕一定要着上黑色燕尾服、白色領結、白色腰封及上漿的翼領襯衫,而女士就要着上黑色嘅舞會長裙

不過到咗二十世紀,眾樂手就開始探討white tie嘅舒適度,同時間樂團係世界各地普及化,樂手嘅衣着就逐漸簡化,只係以黑色為主,連一啲白色嘅成份都失去。由此可見,當黑色已經係演奏台上象徴着togetherness & professionalism 樂譜folder好自然就會用黑色!

講到尾,無論係放樂譜,又或者係帶上台,黑色folder絕對係一個最好嘅選擇。不過,其實用咩顏色都唔重要,只要一個團體係用緊同一款色先係最重要,所以除咗顏色之外,加logo都係一個非常代表性嘅選擇。